Komisioneri për Zgjerim, Olivér Várhelyi ka pyetur ditën e sotme gjatë ‘Forumit Bled’ që po mbahet në Slloveni, Kryeministrin e Kosovës, Albin kurti si mund të gjallërohet ekonomia e Kosovës ashtu sicc ishte njëherë e një kohë, pra shumë e fortë për tregun e BE-së.
“Pyetjet që kanë të bëjnë me Kosovën ka të bëjë dhe me Serbinë. Por pyetja ime ka të bëjë me ekonominë. Si mund të gjallërojmë ekonominë e Kosovës, që njëherë e një kohë ishte shumë e fortë për tregun e brendshëm të BE-së”, tha ai.
E menjëhershme ka qenë përgjigja e Albin Kurtit, i cili u shpreh se kjo gjë mund të bëhet vetëm duke u anëtarësuar në BE, duke shtuar se anëtarësimi në Union dhe në NATO as nuk është vënë ndonjëherë në diskutim në Kosovë.
“Kosova ka institucione të qëndrueshme. Rezultatet demokratike të zgjedhjeve demokratike sollën dhe si rrjedhoje disa efekte ekonomike. Eksportet në Kosovë u rrit, po ashtu qarkullimi i biznesit dhe të ardhurat e administratës. Parashikojmë një rritje të ekonomisë edhe këtë vit. Ne nuk diskutojmë asnjëherë për NE-në dhe NATO-n, duam të bëhemi anëtarë me ccdo kusht. Duhet të kryejmë reforma në vendet tona. Duhen dhe një sërë reformash në sistemin vendimmarrjes së BE-së. Hapa të guximshëm mund ta bëjnë të mundur në të ardhmen e afërt. Kemi pritur 2000 afganë, edhe pse jemi vend i vogël. Partneriteti ynë me SHBA-në është shumë i fortë. Përfshirja e 6-s së BP në BE do të kishte përfitim për të dy palët. Këto 6 vende nuk janë fqinje me BE-në por ne rrethohemi nga BE. Kufiri i jashtëm do të bëhej më i vogël dhe do të ishte më mirë për të gjitha palët. 1 nga 3 banorë të BP nuk jeton në vendin e vet por në BE. ME përfshirjën e BP në BE njerëzit do të jetojnë në të njëjtën hapësirë“, tha Kurti.
Në këtë mënyrë, Albin Kurti edhe njëherë tjetër nuk e përmendi nismën ‘Ballkan i Hapur’ të Seerbisë, Shqipërisë dhe Maqedonisë së Veriut, por u përqëndrua vetëm te BE, ashtu sicc ka deklaruar dhe më parë vazhdimisht.
