Komisioneri Evropian për Fqinjësinë dhe Zgjerimin, Oliver Varhelyi u shpreh se Shqipëria dhe RMV kanë bërë hapa të rëndësishëm për integrimin e tyre në BE.
“Ballkani duhet të shkëputet nga vartësia për energji ruse. Do të ndihmojmë Ballkanin për pavarësi nga energjia ruse. Është bërë një hap i rëndësishëm , sa i përket Shqipërisë dhe MV. Procesi i integrimit po ecën me ritme te duhura.
Maqedonia ka bërë hapa të duhura për luftën ndaj korrupsionit. Shqipëria ka vijuar të bëjë progres të mirë me rezultate të mira, sa i përket sistemit gjyqësor dhe avancimit të sistemit të vetingut për të luftuar korrupsionin dhe krimin e organizuar”, tha Oliver Varhelyi gjatë fjalimit të tij në Asamblenë e Përgjithshme të Këshillit të Europës në Strasburg, ku është i pranishëm edhe kryeministri Edi Rama.
Discussion about this post