Pasi i dha fund të luajturit futboll duket se Renato Arapi ka vendosur të marrë një tjetër hap në karrierën e tij.
Ish-kapiteni i Teutës është bërë Drejtori i ri Teknik i durrsakëve. Ky lajm është bërë publik nga vetë klubi i ‘Djemve të Detit’ përmes një postimi në rrjetet sociale.
Duket se Arapi do të zëvendësojë Sulejman Starovën të kampionët aktual të Shqipërisë, i cili u largua vetëm pak ditë më parë nga Teuta.
“RENATO ARAPI DREJTORI I RI TEKNIK
Klubi i Futbollit Teuta njofton se ish-mbrojtësi Renato Arapi do të jetë drejtori i ri teknik i klubit. Ish-kapiteni do të marrë këtë detyrë nga sot pas arritjes së marrëveshjesh me presidentin Hasanbelli. Pas një eksperience si lojtar i spikatur, ku fitoi gjithçka në Shqipëri, Arapi do vijoj punën në shtëpinë blu tashmë si pjesë e rëndësishme e stafit teknik.”-shkruhet në njoftimin e klubit durrsak./Gijotina.com
