Varianti Delta ka rritur numrin e rasteve të reja me COVID në disa vende të Europës.
Në Francë është shënuar një rritje e ndjeshme veçanërisht në tre ditët e fundit.
Ministria e Shëndetësisë në vend raporton se në 24 orët e fundit janë shënuar 12 532 raste të reja.
Aktualisht janë 891 pacientë që po trajtohen në kujdes intensiv.
Rritje të rasteve të reja me COVID është parë edhe në vendet të tjera të Europës, të cilat vijnë si pasojë e variantit Delta i cili ka transmetueshmëri më të lartë.
