Varianti i ri i koronavirusit ka hapur panik në të gjithë botën, pasi shumë vende kanë raportuar rastet e parë të infektuar nga ky mutacion. Në lidhje me këtë çështje ka folur sot mjeku Ilir Alimehmeti, i cili thotë se të gjitha gjetjet e dokumentuara në Afrikë dhe në disa shtete të Europës ku është zbuluar ky variant dëshmojnë për një virus më të butë klinikisht sesa varianti qarkullues Delta.
Më tej mjeku tha se nuk është nevoja të përhapët panik, pasi është ende shumë herët për të konsideruar virusin një kërcënim botëror. për aq kohë sa ai nuk shkakton sëmundje të rënda. Sipas tij, masat kufizuese drastike nuk e frenojnë përhapjen virale, por vetëm sa e shtyjnë atë në kohë.
I pyetur për rritjen e shtrimeve në spitalet Covid të personave të vaksinuar me të dyja dozat e vaksinave, Alimehmeti thotë se problemi duhet parë tek metodologjia, faktori kohë dhe përzgjedhja e vaksinave sipas targetgrupeve ,duke mos përjashtuar edhe mënyrën e ruajtjes së vaksinës Pfizer në zinxhirin ftohës.
Discussion about this post