Nënkryetari i Partisë së Lirisë Petrit Vasili nuk i ndalon akuzat për abuzimin me qytetarët lidhur me parkimet në Tiranë që zhvillon bashkia dhe policia bashkiake, e urdhëruar nga Erion Veliaj.
“Ja ku i keni tani që në mëngjes gjobaxhinjtë e Veliajt.Mbrapa stadiumit ‘Selman Stermasi’ është versulur Policia Bashkiake, që i mbyti qytetarët e Tiranës, të cilët sapo kanë filluar punët e ditës u dalin përpara këta syfetet e Veliaj.
Policia e Veliajt që mbyt me gjoba, që rrëmben spinaqin dhe qepët e trastave fshatarëve, por që horrave u rrijne dhjete km larg”, shprehet Vasili, ndërsa publikon në rrjetet sociale dhe foton e policëve bashkiakë me blloqe gjobash në duar.
Discussion about this post