Vasili: Edi Rama është ‘vetvrarë’ penalisht me deklaratat e tij

Nënkryetari i Partisë së Lirisë, Petrit Vasili, ka reaguar me anë të një statusi në rrjetin social ”Facebook”, ku denoncon se Rama ka dijeni mbi aferën mafioze qindra milionëshe të inceneratorëve.

Vasili teksa rendit deklaratat e kryeministrit Rama, shton se SPAK nuk mund t’i shmanget më marrjes në përgjegjësi penale të Ramës, i cili është ‘vetëvrarë’ me reagimet e tij publike.

Postimi:

Edi Rama është “vetvrarë” penalisht me deklaratat e tij!

Edi Rama ka dijeni të plotë dhe pergjegjësi të plotë për aferën mafioze qindra milionëshe të inceneratorëve.

Në rolin e garantit dhe tutorit ai ka bërë me ndërgjegje të plotë deklarata, që garantojnë vazhdimesinë e  vjedhjes dhe rrënojne totalisht interesin publik megjithse ai ka pasur dijeni të plotë për vjedhjen dhe skemën mafioze të inceneratorëve.

Asnjë incenerator nuk punon dhe ai i  Tiranes nuk ekziston fare, ndërkohe që ata duhet të punonin prej kohës dhe kane gllabëruar dhjetra milion euro nga buxheti i shtetit.

Ndërsa Rama guxon në mënyrë mafioze të mbroje me vetdije  inekzistencen e tyre dhe të garantojë vazhdimin e pagesës së tyre.

Dy ditë më pare në 25 gusht ai ka deklaruar:

▶️  “Impianti i Elbasanit është funksional siç do makineri tjetër që herë pas here kërkon pjesën e përkujdesjes së remontit”.

▶️  “Pra, shikoni një shifër dhe filloni fantazoni. “Nuk punojnë ato”. Ato punojnë dhe Fieri ka nevojë për një pjesë të fundit”.

▶️  “iu është hequr qytetarëve nga koka reja e zezë e helmit me të cilin jetonin të moshuarit, fëmijët dhe të gjithë familjarët që banonin në Elbasan”.

Në 16 shkurt 2022 në FB Rama përgjigjej:

▶️  “për cilën “aferë të inceneratorëve” se une nuk di ndonjë aferë inceneratoresh, po di një punë të mirë që ka shpëtuar tre komunitete të mëdha nga makthi i plehrave, në Tiranë, Elbasan dhe Fier”!

SPAK nuk mund t’i shmanget mē marrjes në përgjegjësi penale të Edi Ramës që është vetvrare me deklaratat e tij publike.

Skema mafioze monstruoze e aferës së inceneratorëve është tashme e njohur nga të gjithë dhe vetëm Edi Rama si peng i saj vazhdon ta mbrojë dhe të sigurojë pagesën e saj.

Zjarri që shpertheu dje në gropën e mbeturinave në Elbasan dogji çdo alibi.

SPAK vepro, Rama nuk mbrohet dot mē!

P.S.Fotot nga mitingu i Ramës në inceneratorin e Elbasanit vite më parë.