Petrit Vasili ka reagua sot në lidhje me situatën jo normale të shërbimeve online nga portalet qeveritare. Përmes një postimi në Facebook ai ka shkruar se i ka dërguar një letër AKSHIt, ku i kërkon që të marrë menjëherë masa pasi shërbimet online janë kthyer në një kaos të vërtet, duke lënë hapësirë që të dhënat e qytetarëve të përdoren për qëllime kriminale.
“Si deputet i jam drejtuar me kërkesë zyrtare për Informacion drejtueses se AKSH-it lidhur me shërbimet publike online. Gjendje paraqitet tepër e rende me shërbimet publike online dhe miliona të dhëna gjenden ne kaos dhe me mundësi shfrytëzimi për qëllime kriminale. Qindra milion euro te shpenzuara për digjitalizimin shërbimeve publike dhe sistemi online u shemb ne pak orë dhe kjo është pak te thuash skandal shume i rende dhe praktikisht rënie e shtetit”, shkruan ai. Kujtojmë se që nga sulmi i disa javëve më parë portalet qeveritare kanë pasur shumë probleme.
Discussion about this post