Vasili: Në gjashtë muaj janë larguar qytetarë sa një Bashki

Deputeti i Partisë së Lirisë, Petrit Vasili ka prekur dhe njëherë temën e emigracionit që nën udhëheqjen e Partisë Socialistë është kthyer në plagë të pashërueshme për shoqërinë tonë.

Vasili shkruan se në bazë të të dhëna brënda gjashtë muaj janë larguar qytetarë sa një bashki.

Deputeti i PL-së shton më tej se kjo plagë nuk përbën problem për Ramën dhe se ‘suksesi’ i vetëm i tij është krijimi i hajdutëve si ‘punë’ për SPAK-un.

Postimi :

Në gjashtë muaj zhduket një Bashki, ndërsa “suksesi” i vetëm i Ramës është krijimi i hajduteve si “punë” për SPAK-un!

16.500 shqiptarë vetëm në gjashtë muajt e parë të vitit 2023 kanë kërkuar azil në Angli dhe BE.

Ka mjaft bashki në Shqipëri, që kanë popullsi të njejtë ose me të vogël se kaq.

Pra vetëm në gjashtë muaj janë larguar qytetarë sa një Bashki.

Është zhdukur vetëm për gjashtë muaj realisht një Bashki dhe Rama vazhdon e flet gomarllëqe të çdo lloji, ndërsa ramucët e tij në parlament që bëjnë megafonin nuk guxojnë as të hapin gojën.

Edi Rama nuk ka më as çfarë të gënjeje sepse në jetën e shqiptarëve gjërat shkojnë keq e me keq.

Ndaj e vetmja krenari e Ramës ka mbetur prodhimi masiv i hajdutëve të shumëllojshëm dhe te çdo niveli.

Rama thotë se ka hajdutë që hanë kumbulla, pjeshke, shalqi pas kurrizit të Ramës, kur detyra është që ti hanë bashkë me Ramën dhe aq pjese sa do t’ju lërë ai.

Rama krenohet se SPAK-ut po i prodhon lëndë të parë hajdutësh kumbullash, që ai të ketë me se të merret, por vetëm me atë vetë kryehajdutin të mos merret kurrë.

Rama i garanton shqiptarët, që ai do të vazhdojë të emërojë me dorën e tij të gjithë llojet e hajdutëve të mundshëm sepse ai nuk bën dot zgjedhje tjetër përveçse hajdutëve.

Ndërkohë qytetet dhe fshatrat e Shqipërisë shkretohen se Shqipëria vidhet pa mëshirë nga qeverisja me hajdutët e Europës.

Shqiptarët nuk ikin se nuk duan të punojnë.

Të rinjtë shqiptarë nuk ikin aspak se nuk duan të punojnë.

Jo jo, shqiptarët ikin se puna vete dëm, se fermerit malli i kalbet i pa shitur, se qeveria nuk e ndihmon por i vjedh fondet në bujqësi dhe gjithkund, se ligjet i bëjnë që të fitojë importi e të shkatërrohen shqiptarët.

Të rinjtë shqiptarë nuk ikin se janë të përkëdhelur dhe nuk duan të punojnë si prindërit e tyre sepse kudo nga shkojnë i presin pune edhe më të rënda.

Por të rinjte ikin se familjet e tyre varfërohen pa u ndalur dhe nuk shohin më asnje rreze shprese, por shohin vetëm armatën e hajdutëve të Edi Ramës, që plaçkit gjithshka dhe kudo.

Shqipëria po zhbëhet dita ditës.

Kjo është e vërteta dhe ky është shkaku i vetëm me emrin Edi Rama, kush i bishtnon që ta shohë në sy këtë të vërtetë është thjesht një bashkëhajdut i tij dhe asgjë më shumë.