Nënkryetari i LSI-së, Petrit Vasili thotë se kompanitë Salillari dhe Kastrati përfitojnë miliona lekë nga kursi i këmbimit në Rrugën e Kombit. Si provë, Vasili ka nxjerrë një faturë, sipas të cilës pavarësisht kursit të këmbimit është 660 lekë, edhe pse 5 euro kushtojnë më pak.
“Salillari dhe Kastrati përfitojnë qindra milion lekë nga Kursi i këmbimit ne Rrugën e Kombit! Ja prova. Qindra milion leke rrëmben Kompania koncesionare ne Rrugën e Kombit vetëm prej kursit të këmbimit. Megjithëse euro ka vite, që këmbehet me rreth 120 lekë në Rrugën e Kombit jeta “ka mbetur në vend” dhe euro llogaritet me 132 lekë për një euro si në asnjë cep te globit.”
Sipas tij, qeveria dhe ministria e Financave edhe pse janë në dijeni të këtij abuzimi nuk marrin asnjë masë. Ndërsa i bën thirrje SPAK që të veprojë, sepse grabitjen e ka përpara syve.
“Po ky dreq SPAK çfarë pret më kur grabitjen e ka përpara syve. SPAK qe te mos lodhesh ja ku e ke edhe Provën Kuponin e Pagesës me vlere 660 leke për një automjet paguar sot tek trau i Oligarkëve ne Morine”.
Discussion about this post