Në një reagim në ‘Facebook’, Vasili thekson se vende si Shqipëria, me popullsi të vogël ka shanse që të fitojë më shpejt dhe me dëme të pakta, përballë pandemisë. Nënkryetari i LSI-së, Petrit Vasili deklaroi se pandemia e koronavirusit mund të mposhtet me profesionalizëm.
Sipas tij, arsyeja e sfilitjes së shqiptarëve me pandeminë është administrimi politik dhe propagandistik në vend të menaxhimit profesional dhe shkencor.
“Vendet si Shqipëria, me popullsi te vogël dhe me lëvizje shume me te kufizuara ne numra, krahasuar me vendet shumëmilionësh, kane shanse dhe mundësi mjaft me te mëdha për ta fituar me shpejt dhe me dëme shume me te pakta betejën me Pandeminë.
Arsyeja e sfilitjes se shqiptareve me Pandeminë është administrimi politik dhe propagandistik ne vend te menaxhimit profesional dhe shkencor” – shkruan Vasili në postimin e tij.
Ai gjithashtu thotë se testimi është në nivele të ulëta, thuajse tre herë më i pakët se Kosova. Më tej ai rendit 10 propozime se si të trajtohet pandemia në mënyrë profesionale.
“Sot e kësaj dite testimi është ne nivel te ulet thuajse tre here me i paket se Kosova, a mund te tolerohet kjo? Testimi i ulet do te thotë mosnjohje e situatës dhe çdo mase e marre do te ishte një veprim ne tym dhe i pashenjestruar epidemiologjikisht.
Testimi i paket reflekton një realitet te pavërtetë, shifra jo reale, kurba epidemiologjike rezulton e deformuar dhe pa kuptim e për pasoje gjithshka zhvillohet ne kaos dhe me pasoja te renda.
Testimi i paket është thjesht burimi i një mjerimi propagandistik qeveritar, qe dëmton veprimin anti Pandemi dhe ç’mobilizon qytetaret dhe i shpërqendron ata duke rrezikuar jetën dhe shëndetin” – shkruan Vasili.
