Nënkryetari i Partisë së Lirisë, Petrit Vasili ka ngritur alarmin mbi raportet e publikuara se në ujin e pijshëm në Tiranë gjendet trialometani kancerogjen.
Sipas tij çdo justifikim i çdo lloj forme vetëm rëndon përgjegjësine e atyre që kanë detyrë të administrojnë qytetin, pra Bashkisë, sepse rrezikimi i jetës dhe shëndetit është një vepër penale shumë e rëndë.
Postimi:
Analizat tregojnë se edhe uji është në gjendje të rëndë në Tirane!
Tre zona paraqiten në gjendje alarmante të ujit me nivel të lartë të Trialometanit, një përbërës kancerogjen.
Pasi testuan se ajri i Tiranës është jo vetëm i ndotur, por edhe me substanca kancerogjene, ‘Piranjat’ sjellin një tjetër investigim, duke analizuar ujin e Tiranës, në bashkëpunim me laboratorin e specializuar ‘Neotes’, në Salerno të Italisë.
Në ajër në Tirane ka nivele shumë të larta Benzeni kancerogjen dhe NO2.
Në ujin e pijshëm në Tirane gjendet trialometani kancerogjen!
Këto janë tregues vërtet shumë kritikë për shëndetin publik.
Shëndeti i mijëra qytetarëve është mjaft i rrezikuar, sepse kontakti me ajrin dhe ujin është 24 orë në dite dhe i pashmangshëm sepse janë dy komponentë jetësorë pa të cilët jeta është e pamundur.
Këto jane faktet, kjo është e vërteta shkencore e ajrit dhe ujit në Tiranë, çdo justifikim i çdo lloj forme vetëm rëndon përgjegjësine e atyre që kanë detyrë të administrojnë qytetin, pra Bashkisë, sepse rrezikimi i jetës dhe shëndetit është një vepër penale shumë e rëndë.
Discussion about this post