Nënkryetari i PL, Petrit Vasili denoncon se qytetarët po paguajnë rreth 400 milionë euro për mashtrimin siç shprehet ai lidhur me shëndetësinë falas, pasi kjo e fundit ka qenë thjesht një mashtrim elektoral e qeverisë Rama.
Vasili shkruan se qytetarët shqiptarë po shpenzojnë më shumë për shëndetin në vit, nisur nga pagesat në klinika private, ilaçet dhe ryshfetit, ku të përkthyera në shifra arrijnë deri në 370 milionë euro që dalin nga xhepi i tyre.
Ai shton se vetëm në periudhën e pandemisë, shqiptarët paguan rreth 270 milionë euro.
Postimi:
Mashtrimi me shëndetesinë falas, rreth 400 milion euro paguhen nga vetë qytetarët!
Mashtrimit me shëndetesinë falas të trumbetuar me të madhe nga Edi Rama i ka dalë plotësisht boja. E kam kundërshtuar me forcë këtë mashtrim vulgar të pabazuar në asnjë evidence. “Scan Intel” ka analizuar koston e shëndetit për shqiptarët, si dhe paratë e shpenzuara drejtpërdrejtë nga vetë qytetarët. Nga shpenzimet për shëndetin një pjesë e madhe parash dalin edhe nga xhepat e qytetarëve, ku përfshihen pagesat në klinikat dhe spitalet private, ilaçet, dhe fatkeqësisht edhe ryshfeti.
Anketa e fundit e buxhetit të familjes, mbetet një prej dokumenteve më të rëndësishëm sa i përket statistikave publike.
Anketa e fundit i referohet vitit 2021 dhe tregon se si i ndajnë shpenzimet mujore familjet shqiptare, nga ku rezulton se ato per shendetin në vit kjo shifër ngjitet pranë rreth 54 mijë lekëve. Në rast se këtë shifër e shumëzojmë me totalin e familjeve në vendin tonë, rreth 765 mijë të tilla, shifra fiksohet në 41.7 miliardë lekë, ose rreth 370 milionë euro qe paguhen drejtpdrejt nga xhepi i qytetareve. Vetem per shkak te Pandemise qytetaret paguan rreth 270 milion euro nga xhepi.
Pra Shëndetesia falas ishte thjesht dhe vetëm një mashtrim elektoral sepse realiteti provoi të kundërtën, pra një shtim si kurrë më parë të shpenzimeve të qytetareve. Prova me e qartë është rritja shumë e madhe e aktivitetit të spitaleve dhe poliklinikave private.
Discussion about this post