Vatër e re zjarri në Kukës/ Flakët përfshijnë një lagje në Kalis

Vijojnë zjarret edhe në qytetin e Kukësit. Mbrëmjen e sotme një vatër zjarri ka rënë në lagjen Imere, fshati Kalis, njësia administrative Kalis.

Vatra e zjarrit është përhapur me shpejtësi në zonë edhe për shkak të erërave të forta.

Nga burime për Gijotina.com, mësohet se banorët e fshatit si dhe punonjësit e njësisë administrative po punojnë për izolimin e vatrës së zjarrit.

Fshati Kalis ka një terren të thyer malor dhe është një ndër fshatrat e largët që ka bashkia e Kukësit në territorin e saj.