Një vatër zjarri është përhapur mbrëmjen e djeshme përballë stacionit të pompave në Trush, të Shkodrës. Mësohet se zjarri ka nisur në orën 21:00 duke vijuar përgjatë gjithë natës duke shkrumbuar rreth 10 hektarë tokë. Ne vendin e ngjarjes kanë shkuar dy mjete zjarrfikëse dhe 7 efektivë që po punojnë për vënien në kontroll të situatës, por terreni e vështirëson ndërhyrjen e tyre.
Kujtojmë se pak javë më parë ishulli i Sazanit u përfshi nga flakët, ku u shkrumbua një sipërfaqe e madhe bimësie, si shkurre dhe pyje ndërkohë mungesa e helikopterëve bëri që zjarri të zgjaste disa ditë. U desh ndihma e një helikopteri grek, i cili në më pak se 8 orë arriti të shuajë zjarrin në ishull.
Discussion about this post