Papa Françesku ka fjetur mirë gjatë gjithë natës, tha Vatikani sot, pasi ai pësoi dy episode të dështimit akut të frymëmarrjes, një mbrëmje më parë.
”Papa ka fjetur gjatë gjithë natës dhe tani vazhdon të pushojë”, thuhet në një deklaratë.
Episodet e djeshme rezultuan në kryerjen e dy bronkoskopive që hoqën “sekrecionet e mëdha” të mukusit.
Më pas, Françesku u rivendos në ventilim mekanik joinvaziv.
“Gjendja shëndetësore e Papës mbetet komplekse dhe kriza të mëtejshme të frymëmarrjes mbeten të mundshme”, thuhet në deklaratën e sotme.
Kreu 88-vjeçar i Kishës Katolike vuan nga pneumonia bilaterale dhe po trajtohet si pacient, i shtruar në spitalin ”Gemelli” në Romë që prej 14 shkurtit, më gjatë se kurrë më parë.
Discussion about this post