Vatra në Mirditë aktive prej orësh, në gadishmëri vetëm një automjet zjarrfikës

Vijon të jetë aktive prej orësh vatra e zjarrit në masivin pyjor të fshatit Lajthizës në Mirditë, në njësinë administrative Orosh.
Zjarri ka nisur që prej orës 12:00 dhe në terren ndërsa për shuarjen e flakëve ndodhet vetëm një automjet si dhe 3 punonjës të shërbimit pyjor zjarrfikës.

Infrastruktura e dobët për shuarjen e zjarreve dhe prania e vetëm një mjeti zjarrfikës mund të mos ketë asnjë efekt në neutralizimin e flakëve.

Ndërkaq, mungesa e ndërhyrjes nga ajri mund të përsërisë të njëjtën situatë si në ishullin e Sazanit, ku zjarri zgjati për ditë të tëra dhe një pjesë e mirë e bimësisë u shkrumbua.

Sjellim në kujtesë që Instituti i Gjeoshkencës ka paralajmëruar verë të nxehtë me temperatura përvëluese dhe me zjarre aktive në vend.