Gian Piero Gasperini dhe Atalanta së bashku për të tetin vit radhazi dhe për të luajtur një tjetër sezon në Evropë.
Ky është përfundimi i takimit të zhvilluar pasdite në qendër të Bergamos mes trajnerit dhe drejtuesve të lartë të klubit, gjatë të cilit palët arritën marrëveshje për të vazhduar së bashku.
“Po, Gasperini po qëndron dhe ne jemi shumë të lumtur për këtë. Qëllimi është të fitojmë”, deklaroi pronari Stephen Pagliuca në fund të takimit në via Paglia në Bergamo dhe Percassi bëri jehonë menjëherë pas kësaj: “Ai po qëndron. Ka marrëveshje të plotë, por nuk ka nevojë për rinovim”. Vetëm Giovanni Trapattoni ka qëndruar më gjatë në një stol të Serisë A.
NJOFTIMI I KLUBIT:
Atalanta Bergamasca Calcio, në emër të Shefit Ekzekutiv Luca Percassi, ka kënaqësinë të njoftojë rinovimin me trajnerin Gian Piero Gasperini.
Pas samitit të mbajtur sot pasdite, të martën 6 qershor, palët gjetën një mirëkuptim të plotë dhe të kënaqshëm për të vazhduar së bashku një rrugëtim të nisur shtatë vjet më parë dhe të fisnikëruar nga rezultate të mëdha.
Familja Percassi, familja Pagliuca dhe i gjithë Klubi i uron zotit Gasperini punë të mbarë!
🔴 Antonio Percassi all'uscita dalla sede del club in via Paglia: "Siamo molto felici che Gasperini rimanga". pic.twitter.com/SWgKKOyDZw
— Filippo Maggi (@Filippomaggi97) June 6, 2023
Discussion about this post