Kanë vijuar kërkimet gjatë natës për gjetjen e 64-vjeçares nga Tirana e cila ditën e djeshme duke bërë guida turistike me një grup prej disa personash, nga Parku i Llogorasë për në gadishullin e Karaburunit ka humbur orientimin për shkak të mjegullës, ndonjë frakturë apo dhe lodhjes.
Kërkimet për gjetjen e saj kanë nisur mbrëmjen e djeshme ku katër persona dy të ADZM së dhe dy punonjës policie kanë shkuar për disa orë me këmbë në zonën mbi Gjirin e Gramës në Karaburun, në vendin e quajtur burimet e “Dedë Hilës “ku dhe kontakti i fundit me gruan 64-vjeçare ka qenë në këtë zonë.
Pasi kanë shkuar atje në orët e natës nuk kanë gjetur asnjë shenjë të gruas. Është bërë kontrolli në të gjithë zonën por nuk kanë gjetur asnjë shenjë të zonjës.
Punonjësit e policës dhe ata të ADZM janë ndare në dy grupe për të vijuar kërkimet në kthim, por edhe ne kthim deri në zbardhjen e ditës nuk kanë mundur ta gjejnë zonjën nga Tirana.
Ata janë duke u kthyer për në Llogora për të marrë ujë dhe ushqime për të rinisur kërkimin e 64-vjeçares.
Discussion about this post