Presidenti ukrainas Volodymyr Zelenskyy lëshoi një dekret për shkarkimin e një anëtari të lartë të forcave të sigurisë. Në një deklaratë të veçantë, ai tha se përpjekjet e tij për të pastruar qeverinë do të vazhdojnë.
Javët e fundit, dhjetëra zyrtarë janë shkarkuar dhe hetimet kanë nisur si pjesë e përpjekjes së Kievit për të goditur korrupsionin.
Zelenskyy, me dekretin e tij të djeshëm, liroi nga detyra Ruslan Djuba, zëvendëskomandant i Gardës Kombëtare, pa specifikuar arsyet e vendimit të tij.
Përveç kësaj, presidenti ukrainas në mesazhin e tij të përditshëm, të natës (11/02) vuri në dukje se ai u takua me zyrtarë të sektorit të mbrojtjes dhe forcave të zbatimit të ligjit për të diskutuar mënyrat për të mbrojtur institucionet nga ato që ai i përshkroi si përpjekje nga jashtë dhe të brendshme për të reduktuar efektivitetin dhe efikasitetin e tyre.
Duke iu referuar dëbimeve , Zelensky tha: “I gjithë ky aktivitet nuk ka të bëjë vetëm me incidente specifike apo procedura penale, pasi shteti do të vazhdojë të modernizojë institucionet e veta. Duhet të sigurohet pastërtia e projektit shtetëror të infrastrukturës”.
Discussion about this post