Evakuimi i civilëve në Ukrainë vazhdon, për të shpëtuar më së shumti fëmijët dhe gratë. Sipas një njoftimit të zëvendëskryeministres së Ukrainës Iryna Vereshchuk, do të hapen 10 korridore evakuimi ditën e sotme për evakuimin e civilëve.
Hapja e korridoreve humanitare do të ndihmojë në evakuimin e civilëve nga Mariupoli dhe nga rajoni i Luhanskut, i cili ka qenë nën sulmin e vazhdueshëm të forcave ruse. Në rajonin lindor të Donetskut, do të hapet një korridor evakuimi nga Mariupol në Zaporizhzhia për ata që mund të largohen me makina private.
Sakaq, kujtojmë se deri tani në Ukrainë janë vrarë mbi 200 fëmijë dhe me mijëra civilë. Ndërsa raportohet se përveç Kievit sulmi më i ashpër ka qenë në Bucha, ku me qindra njerëz u vranë dhe u groposën në varre masive.
Discussion about this post