Sot në Qendrën e Numërimit dhe Rezultateve janë numëruar votat që kanë ardhur nga Diaspora për zgjedhjet lokale të 17 tetorit. Sipas të dhënave të publikuara votat e diasporës në Skenderaj, kanë shkuar më së shumti për kandidatin nga radhët e PDK’së, Fadil Nura, i cili ka siguruar 87 vota nga diaspora. Ndërsa, Bekim Jashari i cili ka udhëhequr me këtë komunë deri tani ka arritur të sigurojë 26 vota nga diaspora. Ndërsa Sokol Haliti i IQS-së nuk ka marrë asnjë votë. Në këtë kuadër, Fadil Nura i PDK-së do të jetë kryetari i ri i Skenderajt. Ai në zgjedhjet e 17 tetorit ka arritur ta fitoj pa balotazh Skenderajn, pasi Nura ka marrë 57,99 për qind apo 12 mijë e 586 vota në total
Votat në Mitrovicën e Jugut
Në Mitrovicën e Jugut, kandidati i LVV-së për kryetar, Agim Bahtiri ka marrë më së shumë vota nga diaspora, plot 69, ndërsa Bedri Hamza i PDK-së ka marrë 40 vota dhe kandidati i LDK-së për kryetar të Mitrovicës, Armend Agolli ka marrë 19 vota. Por Hamzën, ka marrë shumicën e votave në total pasi nga numërimi i votave të rregullta ka arritur të fitojë pa balotazh, kështu ai do të jetë kryetari i ri i Mitrovicës së Jugut. Kryetari në ikje dhe kandidati i LVV-së për kryetar të kësaj komune, Agim Bahtiri humbi, duke marrë 34,40% të votave në total.
Shpërndarja në Lipjan
Ahmeti i LDK-së e mposht kandidatin e LVV-së në Lipjan edhe me vota të diasporës
Kandidati i Lidhjes Demokratike të Kosovës për kryetar të Lipjanit, Imri Ahmeti e ka fituar pa balotazh edhe një mandat në krye të kësaj komune. Përveç që ka marrë mbi 50% të votave të rregullta, për Ahmetin kanë shkuar edhe shumica e votave të diasporës në këtë komunë. Ai ka marrë 95 vota, 26 më shumë sesa kundërkandidati i tij nga Lëvizja Vetëvendosje, Adnan Rrustemi. Përveç që ka marrë mbi 50% të votave të totalit , për Ahmetin kanë shkuar edhe shumica e votave të diasporës në këtë komunë. Ai ka marrë 95 vota, 26 më shumë se Rrustemi.
Votat e Diasporës në Junik
Në Junik janë numëruar mbi 800 vota të diasporës, ku LDK dhe AAK shkojnë në balotazh. Kështu, Rrustemi edhe për nga votat e diasporës radhitet pas Ahmetit, duke marrë 69 prej tyre. Hyzer Rizani nga Partia Demokratike e Kosovës, ka marrë 7 vota nga diaspora. Nga rezultatet e përditësuara të Komisionit Qendror të Zgjedhjeve nga votat e përgjithshme në Lipjan, Ahmeti ka marrë 56,45% të tyre.
Votat në Fushë Kosovë
Deri më tani votat e numëruar për Komunën e Fushë Kosovës kanë bërë që kandidati i LDK-së dhe kryetari aktual i kësaj komune, Burim Berisha qëndrojë ‘një fije’ nën 50% të votave. Rezultati nga këto vota i reduktoi atij mundësinë që ta fitojë edhe një mandat tjetër në udhëheqje të komunës qysh në raundin e parë të zgjedhjeve lokale. Shumica e 80 votave nga diaspora për Komunën e Fushë Kosovës i shkuan kandidatit të LVV-së, Enver Bajçinca.
Numërimi në Han të Elezit
Të dhënat e deri më tanishme tregojnë se, në Han të Elezit Partia Demokratike e Kosovës ka marrë shumicën absolute të votave. Në këtë komunë, nga 74 vota të diasporës PDK-ja mori 53 prej tyre. Kryetari aktual që edhe në këto zgjedhje kandidoi si i pavarur, Rufki Suma, mori 16 vota nga diaspora ndërsa Sherif Berisha i Vetëvendosjes mori vetëm tri prej tyre. Kujtojmë se Paneli Zgjedhor për Ankesa dhe Parashtresa ka vendosur që komuna e Hanit të Elezit të shkoj në rivotim.
Shpërndarja në Kamenicë
Votat e diasporës në komunën e Kamenicës kanë ngushtuar rezultatin e zgjedhjeve lokale në mes Qëndron Kastratit të PSD-së dhe Kadri Rahimajt të VV-së.N ga 265 vota të diasporës, Kadri Rahimaj i Lëvizjes Vetëvendosje ka fituar shumicën prej tyre apo 168 duke lënë prapa Qëndron Kastratin e PSD-së i cili mori 63.
