Ambasadorja amerikane, Yuri Kim ka reaguar pas shortit që u hodh ditën e djeshme në Presidencë për zgjedhjen e anëtarëve të rinj të Këshillit të Emërimeve në Drejtësi për vitin 2022.
Kim shkruan në Facebook se shprehet optimiste për vazhdimin e Reformës në Drejtësi, pasi zgjedhja e anëtarëve i hap rrugën përfundimit të Gjykatës Kushtetuese në fillim të vitit 2022.
“Vazhdon zbatimi i Reformës në Drejtësi. Më vjen mirë që Zyra e Presidencës (në bashkëpunim me Këshillin e Lartë Gjyqësor, Këshillin e Lartë të Prokurorisë, Avokatin e Popullit dhe të tjerë) zhvilloi dje një short transparent për përzgjedhjen e anëtarëve të rinj të Këshillit të Emërimeve në Drejtësi. Gjykata Kushtetuese arriti kuorumin 1 vit më parë që mundësoi funksionalitetin. Veprimi i djeshëm i hap rrugën përfundimit të Gjykatës Kushtetuese në fillim të vitit 2022. Inkurajojmë të gjitha institucionet përkatëse që të vazhdojnë përpara, pavarësisht pengesave, për zbatimin e reformës në drejtësi”, shkruan Kim.
Ditën e djeshme u zgjodhëm 9 anëtarët e Gjykatës Kushtetuese, ku nga nëntë kandidatët, shorti ka përzgjedhur Sokol Binaj si anëtar të Këshillit të Emërimeve në Drejtësi, ku sipas ligjit Binaj do të jetë edhe kryetari i ri i KED.
Discussion about this post