Është shuar vatra e fundit e zjarrit në Drenovë, Mallakastër. 30 forca të ushtrisë i shkuan në ndihmë operacionit të të shërbimeve zjarrfikëse dhe atyre bashkiake, për shuarjen e zjarrit në Drenovë të Mallakastrës i cili u neutralizua pas 3 ditësh.
Vatra u shtri në një sipërfaqe të madhe në brendësi të pyllit me pisha dhe u punua me mjete rrethanore për shkak të terrenit të vështirë që pamundëson ndërhyrjen e mjeteve zjarrfikëse. Deri tani përllogaritet një sipërfaqe prej 100 ha e përshkruar nga zjarri, Vatra e parë është aktivizuar në ullishten e një fermeri gjatë djegies së barërave.
Sipas Emergjencave Civile, gjatë 24 orëve të fundit janë raportuar 19 vatra zjarri, nga të cilat 4 vatra janë ende aktive. Situata më e vështirë paraqitet në zonën e quajtur Liqeni i Luleve në pjesë e Parkut Kombëtar Lurë, ku zjarri vijon prej 10 ditësh.
Me gjithë punën e bërë nga forcat operacionale në terren, nuk është arritur të vihet nën kontroll zjarri, pasi ka patur shtrirje të madhe të vatrës. Territori i thepisur dhe era kanë ndihmuar zhvillimin e zjarrit. Si pasojë është djegur një sipërfaqe rreth 150 ha. Sot forcave u janë bashkuar edhe 100 forca nga FA.
Është izoluar pasditen e sotme vatra e fundit e zjarrit në Drenovë, rreth orës 18:30. Shefi i zjarrfikëses në Mallakatër, Hajri Malaj tha se disa efektivë do të qëndrojnë në zonë për të monitoruar vatrat e zjarrit.
‘Ekipet zjarrfikës analizuan situatën në terren duke konkluduar se zjarri është shuar. Megjithatë disa efektivë do të qëndrojnë në zonë për të monitoruar vatrat e zjarrit të cilat mund të riaktivizohen pasi ka ende trungje pemësh që digjen”, tha ai.
Discussion about this post