Aktorja Egla Ceno, përmes rrjeteve sociale, shprehet në mbështetje të Enca Haxhias, e cila një ditë më parë u arrestua nga Policia, pasi në banesën e saj, u gjetën 5 vazo të mbjella me kanabis.
Pas publikimit të lajmit, në media por edhe në rrjetet sociale, pati reagime pro dhe kundër, ndërkohë që Encës, i duhet të përballet me Gjykatën, për tu njohur me masën e sigurisë, nëse Prokuroria do e çojë çështjen deri në fund.
Në reagimin e saj Ceno shprehet “si mund t’i bëhet gjyqi publik një robi (qoftë edhe Encës) për ca vazo me lule? Nuk po flasim për shtëpi bari, për trafik substancash, për taksa të vjedhura, por vazo me “bar”! “.
Postimi nga Egla Ceno
Nuk e njoh por sinqerisht jam me Encën në këtë historinë e vazove me lule! E di pse? Kjo bimë rritej në mënyrë të egër në fshatin e gjyshes time në Shpirag, siç rritej çaji i malit, kamomila, naneja etj! Kjo bimë nuk ka lindur ilegale nga natyra por nga njerëzit që e përdorin për interesat e tyre! Kjo bimë do vazhdojë të ekzistojë dhe ndoshta “nesër” ca kokqypa politikanë nuk do e quajnë më ilegale! Drogë është edhe duhani edhe alkoli por ja që nuk janë më ilegale (kanë qenë dikur)!
Kjo bimë quhet ilegale sepse ashtu u intereson bandave trafikuese që lyejnë rrotat e pushtetit! Sikur të shitej si duhani duke mos mbushur më xhepat e bandave, nuk do i bënte më përshtypje askujt! Përkundrazi, ato lekë që tani i trafikon një pakicë do mbushnin xhepat e buxhetit dhe do përktheheshin në mirëqënie të shtuar shërbimesh për komunitetin!
Si mund t’i bëhet gjyqi publik një robi (qoftë edhe Encës) për ca vazo me lule? Nuk po flasim për shtëpi bari, për trafik substancash, për taksa të vjedhura, por vazo me “bar”!
Discussion about this post