Në emisionin “Me zemër të hapur” është trajtuar sërisht çështja e 12-vjeçares, e cila pak kohë më parë u gjet pa shenja jete në kasollen pranë banesës së saj. Vajza u vetëvar pak ditë pasi ishte takuar me nënën e saj, e cila ka rrëfyer në emision takimin e fundit me 12-vjeçaren.
“E kam takuar pas 6 vitesh, vetëm 5 minuta. Vajza s’më ka folur asnjë fjalë.
I kam thënë të blej një telefon të flasësh me mua, më tha më rreh babi.
Ishte e trembur dhe e frikësuar.
Ishte gjyshi me hallën e vajzës, unë me motrën dhe burrin e saj, si edhe nipi e mbesa.
“Kur të vdes unë do ta takosh nënën tëndë”, i tha gjyshi kur e mori.
Në vijim ajo tha se takimi u bë afër banesës së ish-bashkëshortit.
“Ma kanë marrë gocën me zor, me shumë vështirësi e bëra një fotografi.
Kam qenë në Greqi pa letra ndaj nuk e takoj dot vajzën.
Babait i kam shkruar në FB dhe i kërkova të flas me vajzën, më tha “jo se e mërzit, më prish familjen”. Vajza ishte frikësuar dhe e ndrojtur. Nuk ka thënë asnjë fjalë përveç kur i thashë për telefonin. Tha “jo se më rreh babi”. Unë i thashë që do të vij prap në shtator dhe do të takoj, por nuk pati asnjë reagim.
Nga një kushëri e mora vesh lajmin. Doktori i morgut më tha që s’ka shenja varje. Diçka ka pirë ose i kanë bërë diçka ata.
Mendoj se i kanë hedhur diçka fëmijës. Gjithçka që flitet janë gënjeshtra”, u shpreh nëna.
Më herët janë publikuar dëshmi të të afërmve të tjerë të vajzës dhe babait të saj. Sipasë tyre, nëna biologjike e kishte braktisur vajzën vite më parë, ndërsa babai e kishte rritur atë, edhe pse kujdestarinë gjykata ia kishte lënë të ëmës.
Ngjarja e rëndë e vetëvarjes së vajzës 12 vjeç ka ndodhur në fshatin Buzaishtë të Pogradecit. Vajza u gjet pa shenja jete nga të afërm të saj, ndërsa ajo jetonte me gjyshërit, babain dhe familjen e re që ai kishte krijuar, pas divorcit me nënën e vajzës që u vetëvra.
Discussion about this post