Vdekja e 2-vjeçarit në Burrel, nisin hetimet. Pritet autopsia

Një fëmijë 2-vjeçar humbi jetën sot në Burrel, ndërsa mbërriti në gjendje shumë të rënduar shëndetësore në spitalin e qytetit.

Fëmija i mitur ndodhej në çerdhe kur gjendja shëndetësore nisi ti rëndohej, ndërsa ai është transportuar drejt spitalit nga dy edukatore.

Grupi hetimor nën drejtimin e Prokurorisë, kanë hapur një hetim në lidhje me rastin dhe po vijojnë punën zbardhjen e rrethanave të kësaj ngjarjeje.

Kjo pohohet edhe nga mjekët që s’janë në gjendje të përcaktojnë shkakun.

Mjeku Islam Mamica ka deklaruar për Euronews Albania se i mituri që ka humbur jetën pasi prindërit e kishin çuar në çerdhe. Ai pohon se fëmija ka ardhur në spital në gjendje të rëndë.

Sipas tij, foshnja ka qenë pa ndjenja dhe vetëm autopsia do të mund të identifikojë se çfarë mund ta ketë shkaktuar vdekjen, duke qenë se as mjekët nuk kanë një përgjigje të saktë për këtë.