Aksidenti në të cilin Anila Grishaj, një punëtore 26-vjeçare në shërbim në kompaninë ushqimore Bocòn, në Pieve di Soligo (Treviso), humbi jetën dje mund të jetë shkaktuar nga gabimi njerëzor.
Kjo mësohet nga burime hetimore, sipas të cilave mekanizmi që shkaktoi traumën fatale do të ishte aktivizuar pa dashje nga një koleg i viktimës, raportojnë mediat italiane.
Ndërkohë, Prokuroria Publike e Trevisos ka nisur një hetim mbi hipotezën e krimit të vrasjes.
26-vjeçarja shqiptare humbi jetën pasditen e djeshme në kompaninë e cila merret me ushqimet e ngrira, ndërsa u godit nga një pajisje që ishte marrë e re nga Bocon dhe shërbente pikërisht për paketimin.
Grishaj u godit në pjesën e qafës nga pajisja, duke i shkaktuar dëmtime të mëdha që i morën jetën.
Discussion about this post