Bosnja Hercegovina është goditur mbrëmjen e djeshme nga disa tërmete, ndërsa situata më e rëndë ka qenë në Stolac, ku është regjistruar magnituda më e lartë prej 5.6 ballë të shkallës Rihter. Si pasojë ka humbur jetën edhe një 27-vjeçare, Elmira Sefo, në Stolac, ndërsa prindërit dhe motra e saj u plagosën. Shumë miq dhe të njohur i dhanë lamtumirën e fundit Elmirës së vrarë tragjikisht përmes rrjeteve sociale.
Në faqen e tij në Facebook, Hafiz Nedim Botiq i ka dhënë lamtumirën e fundit Elmira Sefos, duke cituar ajetin kuranor “Të gjithë jemi të Allahut dhe tek Ai kthehemi”.
“Ne kurrë nuk e dimë se cila është dita jonë e fundit, kështu që çdo ditë jetoni si të fundit. Shumë i keqkuptojnë këto fjalë. Jetoni çdo ditë duke qenë gati për t’u kthyer te Zoti”, shkruan mesazhi në Facebook.
Portali lokal “Stolac.com” ka shpërndarë në faqen e tij në Facebook një foto të viktimës Elmira me mesazhin “Mëshirë për shpirtin tënd të bukur”. Mesazh ka dërguar edhe Omer Cetres, atashe për media në Ambasadën e Republikës së Turqisë në Bosnje dhe Hercegovinë.
Discussion about this post