Grupi hetimor ka shkuar sot për të sekuestruar pamjet filmike në klinikën private të anestazistit Roland Xhaxho, atje ku Brian Spahiu, 3 vjeçari që ka humbur jetën, pati ndërhyrjen dentare për pastrimin e disa dhëmbëve nga infeksioni.
Akuzat e familjarëve të vogëlushit janë drejtuar nga anestezisti Xhaxho, ndërsa ata pretendojnë se humbja e jetës së 3-vjeçarit është shkaktuar nga niveli i lartë i narkozës.
Në deklarimet publike, familjarët e Brianit janë shprehur se klinika kishte kamera, ndërsa i kërkuar Prokurorisë që ti sekuestrojë për të zbuluar të vërtetën, pasi sipas tyre, mjeku Xhaxho po e fsheh.
Por grupi hetimor që ka shkuar në klinikën private ka sekuestruar regjistrimet e kamerave, pasi Xhaxho i ka pohuar se kamerat janë hequr për shkak të disa punimeve që janë kryer.
Referuar raportimeve, gjatë marrjes në pyetje anestezisti Xhaxho ka pohuar se kamerat në objekt janë hequr që nga data 23 shtator, pra rreth 5 ditë përpara se në klinikën private të bëhej ndërhyrja te vogëlushi 3-vjeçar.
I mituri iu nënshtruar një ndërhyrjeje në dentare në këtë klinikë në datën 28 shtator, dhe pas shfaqjes së komplikacioneve në mbrëmje të kësaj date, ka ndërruar jetë në datën 1 tetor, teksa ndodhej i shtruar në QSUT.
Discussion about this post