Policia ka vënë në pranga edukatoren e kopshtit në Fier, Redina Binjaku pas ngjarjes së rëndë ku ditën e djeshme humbi jetën një fëmijë 3-vjeçar.
Mësohet se, 27-vjeçarja është arrestuar me akuzën se ishte treguar e pakujdesshme ndërkohë që fëmija i mitur ishte nën përgjegjësinë e saj.
I mituri dyshohet se është mbytur në momentin kur është zgjatur për të marrë një veshje në varësen e rrobave, në të cilën ka ngecur kapuçi i xhupit. Sipas policisë, fëmija është rrëzuar në këtë moment duke u mbytur prej xhupit.
Fëmija është gjetur i shtrirë nga edukatoret në ambientet e kopshtit, të cilat e kanë dërguar në spital pa shenja jete.
Discussion about this post