Disa ditë nga tragjedia në Fier, kur një 3-vjeçar humbi jetën në kopsht, ka reaguar më në fund vetë institucioni. Prej kaq ditësh drejtues të kopshtit nuk kanë dhënë janë munduar t’i shmangen të vërtetës dhe janë vijuar punën sikur nuk ka ndodhur asgjë.
Por pas kërkesës së familjes së vogëlushit, që do të vazhdojnë të merren me këtë ngjarje ka reaguar sot kopshti. Përmes një postimi në Facebook kopshti “Flatrat e Dijes” shprehet se ndihen të shokuar për çfarë ndodhi, por nuk pranojnë që të ketë pasur neglizhencë nga stafi. Madje theksojnë se kanë ruajtur të gjitha standardet.
“Ne jemi ende të shokuar dhe thellësisht të trishtuar për humbjen tragjike të jetës së një fëmije. Ekipi i 80 punonjësve të këtij institucioni ndan dhimbjen e pamasë për këtë humbje të papritur me të gjithë familjarët e vogëlushit të ndjerë. Në përpjekje për të zbardhur shkaqet e kësaj tragjedie, stafi është vënë tërësisht në dispozicion të autoriteteve për të ndihmuar plotësisht hetimin.
Ne kemi bërë gjithçka për të siguruar mbarëvajtje të plotë në mjediset tona duke respektuar rigorozisht standardet e kërkuara nga autoritetet. Gjithashtu, si në rastin konkret, ne respektojmë standardin e kërkuar për numrin e fëmijëve nën mbikëqyrje të edukatores duke e patur dhe ndjeshëm më të ulët”, tha ai.
Më tutje në reagim thuhet se i gjithë Bordi do të angazhohet për të dhënë informacion dhe për të zbardhur të vërtetën. Ndërsa kujtojmë që nëna dhe daja e vogëlushit akuzojnë kopshtin dhe prokurorinë se po fshehin të vërtetën dhe nuk besojnë që djali i tyre të jetë mbytur nga kapësja e rrobave.
Discussion about this post