Urdhri i Stomatologëve të Shqipërisë ka vendosur të shpallë datën 6 Tetor ditë zie, për të gjithë stomatologët, personelin ndihmës e asistentë në poliklinika e klinika dentare. Kjo, për shkak të vdekjes së 3 vjeçarit Brian Spahiu në Tiranë.
Njoftimin e bën presidenti i USSH-së, Nikoll Deda i cili gjithashtu u shpreh ngushëllime familjarëve për ndarjen nga jeta të më të shtrenjtit të tyre.
“Dentistria shqiptare në zi! Urdhri i Stomatologëve të Shqipërisë, shpall datën 6 Tetor 2023, ditë zie për të gjithë stomatologët, personelin ndihmës e asistentë në poliklinika e klinika dentare. Ditën e nesërme, dt.06.10.2023, ora 12.00, ju ftojmë të mbajmë 2 minuta heshtje “lutje” për voglushin, engjëllin e vogël 3 vjeçar, Braian Spahiu”, shkruan Deda.
Ndërkohë, në mbrëmje ka reaguar dhe vetë doktori Roland Xhaxho, i cili kreu ndërhyrjen dentare. Ai thotë se vogëlushi Braian Spahiu ka lindur me defekt në zemër dhe prindërit e tij kanë firmosur konsensusin para operacionit.
Discussion about this post