Burri i 32-vjeçares Debora Pagano, e gjetur e vdekur në Macchia di Giarre, në provincën e Catania-s, brenda shtëpisë ku jetonte çifti, u arrestua me akuzën e vrasjes shkruajnë mediat italiane. Ka qenë bashkëshorti i saj, Leonardo Fresta, 40 vjeç, i cili ka dhënë alarmin për karabinierët. Burri me precedentë të lidhur me mafien, kishte qëndruar dy ditë me trupin e vdekur të gruas përpara se të lajmëronte 112.
Lajmi u konfirmua nga avokati, Salvatore La Rosa. Avokati penal theksoi se “autopsia ende nuk është gati” dhe se “nga ekzaminimi i autopsisë mund të dalin rezultate që mund të rrëzojnë tezën e akuzës”.
“Klienti im e gjeti gruan e tij të vdekur në shtëpi të premten në mbrëmje, por ai telefonoi vetëm dje në 911. Ai ishte i shokuar për dy ditë pa mundur të kuptonte se çfarë kishte ndodhur dhe as ai nuk mund të shpjegonte pse. Me sa dimë, nuk ka pasur asnjë problem dhe asnjë konflikt mes dy bashkëshortëve, të cilët jetonin në një marrëdhënie paqësore”, tha avokati
Avokati konfirmoi se vajza e çiftit nuk ndodhej në shtëpi pasi me gjyshërit e saj në Letojanni.
Discussion about this post