Vdekja e 34-vjeçares në maternitet, çfarë tregon ekspertiza

Etleva Çullhaj 34 vjeçe humbi jetën një ditë më parë pak orë pasi kishte abortuar një fëmijë në maternitetin e Elbasanit.

‘Euronews’ raporton se ekspertiza ka nxjerrë rezultatin që vdekja e 34-vjeçares është shkaktuar si pasojë e tromboembolit ose mpiksje gjaku.

Mjeku gjinekolog si dhe ai reanimator, Arben Paralloi dhe Behar Gjevori janë shoqëruar në 12 të natës në polici, por janë lënë të lirë pas ekspertizës.

Nëna e dy fëmijëve, prej kohesh punonte në Elbasan ku merrte lokale të vogla me qira.

Trupi i 34-vjeçares është çuar në Baldushk të Tiranës pasi aty banonin prindërit e saj, ku edhe do t’i kryhet përcjellja për në banesën e fundit.