Është liruar nga burgu dhe do të hetohet në gjendje të lirë inxhinieri i një kompanie ndërtimi, në të cilën humbi jetën një 34-vjeçar që punonte për rikonstruksionin e një pallati në Milot. Gjykata e Kurbinit e vlerësoi të ligjshëm arrestimin e inxhinierit 55-vjeçar, Mondi Turhani, por vendosi që t’i ndryshonte masën e sigurisë.
Prokurori Arben Nika kërkoi që ndaj inxhinierit të ndryshohej masa nga “arrest me burg” në “detyrim paraqitje”. Ndërkohë që avokati Edmond Buna pretendoi se 34-vjeçari Marku Debrova nga Elbasani nuk është punonjës i regjistruar pranë kompanisë që kryente punimet në Milot, ndaj dhe inxhinieri duhet të lirohet nga akuzat.
Turhani u arrestua nga policia të mërkurën me akuzën e shkeljes së rregullave të mbrojtjes në punë, pasi i riu ra nga tarraca e pallatit, ndërsa nga hetimet paraprake rezultoi se në kantierin e ndërtimit mungonin kushtet e sigurisë në punë.
Discussion about this post