Eksperti i kriminalistikës, Ervin Karamuça, nuk beson se vdekja e katër turistëve në Qerret ka ardhur nga asfiksia, por ka ngritur dyshime të forta mbi këtë ngjarje. Gjatë një interviste televizive ai thotë se mund të ketë qenë e qëllimshme, pasi është një vrasje e sofistikuar që mund të ketë lidhje me pozicionin e lartë ushtarak që ka mbajtur babai i familjes ruse.
Sipas tij, ka shanse që ata atë jenë helmuar me qëllim, se në asnjë mënyrë nuk do bëhej shkak për vdekje nxehtësia dhe as droga. Karamuca hedh hipotezat që kjo është një vrasje e mirë planifikuar, prandaj duhet të hetohet itenerari i tyre, vendet ku ata kanë shkruar dhe kanë ngrënë.
“Ka qenë ushtarak i lartë babai. Këtë nuk e bën as gazi, as temperatura e lartë, as asfiksia, as droga. Nuk e bën dot njësoj te të katërt. Kjo ngre dyshim shumë të madh. Mund të jenë përdorur…Mund të ketë agjenturë. Mund të ketë background më i sofistikuar se aq. Po të ngrihen pistat do të gjykosh kuzhinën, fqinjët dhe të gjithë itinerarin. Helmimi mund të ketë ndodhur diku tjetër. Në hotel duhet të kesh një përditshmëri, që unë të inskenoj diçka që të biesh pre atij sulmit.
Në hotel mund te jenë rekrutuar pjesëtarë për ta kryer këtë shërbim. Duhen parë dhe ushqimet që kanë konsumuar edhe në Maqedoni. Po të jetë e njëjta si në 2018 në Britani, atëherë do jenë përdorur substanca që nuk i identifikon asnjëherë laboratori jonë. Nuk i ndjen, nuk i shikon. Prek lëkurën dhe nuk dallohet. Vrasje e fshehtë. Është sfidë e madhe që të zbulohet”, tha Karamuça.
Sakaq, ai thotë se nuk përjashtohet fakti që kjo ngjarje erdhi si shkak e përplasjeve mes agjenturave të huaja. “I thashë një kolegu rus mos keni filluar me gjeneratën e 4-tërt? Mu përgjigj ‘ne kemi filluar me të pestën se të katërtën e kemi’. Dua të them që janë të avancuar. Nëse është kështu atëherë është shumë e rëndë, pasi bëhet betejë e agjenturave të huaja. Kjo nuk ka ndodhur më parë. E kanë ata këtë gjë, i nxjerrin objektivat jashtë vendit”, tha Ervin karamuça.
Kujtojmë se, katër turitët rusë u gjendjen të vdekur pak ditë më parë në saunën e një hoteli në Qerret dhe dyshimet e para ishin se humbën jetën nga asfiksimi, por çdo ditë e më shumë po dalin pista të reja.
