Vdekja e 4 turistëve në Qerret, ambasanda ruse në Shqipëri merr pjesë në hetime
Seksioni konsullor u Ambasadës Ruse në Shqipëri po heton detajet e incidentit të ndodhur në Qerret ku 4 turistë rusë humbën jetën në hotelin “Gloria”. Lajmin e la bërë të ditur vetë gazeta ruse “Novosti” e cila thekson se kanë qenë prezentë gjatë kryerjes së ekspertizës dhe marrjes së kampionëve të trupave të pajetë.
Mësohet se përfaqësuesit e ambasadës kanë qenë prezent gjatë gjithë procesit të kryer në morg nga mjekët e mjekësisë ligjore. Tashmë pritet ekspertiza e mjekësisë ligjore për të përcaktuar shkakun e vërtetë të vdekjes së 4 turistëve.
Një ngjarje e rëndë është regjistruar mbrëmjen e kësaj të premte, rreth orës 22:20, ku 4 turistë, 2 burra dhe 2 gra, janë gjetur të vdekur, brenda një saune në hotelin me 5 yje “Gloria” në Qerret të Kavajës.
Mësohet se turistët që kanë humbur jetën janë: Nataliia Burenkova, 58 vjeçe, Sergei Burenkova, 60 vjeç, Nikita Belousov, 37 vjeç dhe Ekaterina Burenkova, 31 vjeçe, të afërm me njëri-tjetrin.
Dyshimet janë se të huajit mund të kenë përdorur drogë dhe alkool, megjithatë ky spekulim do të vërtetohet pas rezultatit të ekspertizës.
Rindërtohet skena e ngjarjes në Qerret, turistët rusë dyshohet se janë vrarë
Hetimet për vdekjen e 4 turistëve në Qerret kanë ngritur një tjetër dyshim të fortë, atë të vrasjes.
Burime për gijotina.com bëjnë me dije se 4 të huajit kanë ardhur të dielën me një agjensi turistike, dje kanë shkuar në Ohër dhe në mbrëmje janë kthyer në hotel. Ndërsa mësohet se ata janë gjetur të vdekur në pishinën dimërore, jo në sauna.
Nga verifikimet e bëra në zonën e Saunas rezulton të mos jenë gjetur elementë që mund të shkaktonin asfiksi.
Diçka e tillë ka shtuar dyshimet tek prokurorët se mund të kemi të bëjmë edhe me një vrasje, por mbetet ende herët për të dalë në një përfundim të saktë për mënyrën e kryerjes së saj.
