Pushuesit nga Kosova kanë zhvilluar ditën e sotme një protestë në Velipojë. Kjo protestë vjen pas humbjes së jetës së një pushuesi 40-vjeçar në Velipojë.
Ata ngrejnë shqetësimin se ambulanca ka mbërritur një orë me vonesë ne vendin e ngjarjes, ndërsa i bëjnë thirrje qeverisë dhe bashkisë që të marrin masa, pasi theksojnë se ka mungesë të rojeve bregdetare
Më së pari i shprehim ngushëllimet familjes që ka humbur të dashurin e tyre. Për ata jemi këtu për të dhënë një mesazh. Sa herë vijmë këtu kemi humbje të njerëzve. Pushteti e ka këtë detyrë. Po bëjmë apel, më tepër ne po e mbajmë shtetin se ata ne. Mos na bëni më të na shkojnë njerëzit. Ne më këtu nuk vijmë nëse nuk marrin masa”, tha një protestues.
“Më ka ardhur shumë keq që ka shkuar për kujdes të mjekëve. Sepse Emergjenca është vonuar shumë. Ai ka pasur infarkt por mund të shpëtonte. Me sa di sepse isha në shezlong është vonuar më shumë se një orë. Shumë larg më duket për të ardhur Emergjenca. Këtu duhet të jenë të paktën tre Emergjenca. Duhet të ketë vrojtues sepse këtu janë të gjitha moshat, është një kohë që e frekuentojnë të gjithë edhe të vjetër”, tha një tjetër protestues.
