Vdekja e 7-vjeçares Jonada Avdia, e cila u përplas nga skafi i drejtuar nga polici Arjan Tase, ka ngritur në këmbët qytetarët të cilët kanë protestuar 2 herë në kryeqytet.
Ditën e hënë, qytetarët u mblodhën sërish para Ministrisë së Drejtësisë, për të protestuar. Me moton “Nuk e vrau varka, por shteti”, ata dolën para Ministrisë së Brendshme për të vijuar më pas drejt kryeministrisë dhe Presidencës.
Mes qytetarëve është parë edhe moderatorja Bora Zemani, e cila ishte shoqëruar nga djali i saj, Arbori. Ajo është shfaqur e veshur sportive me atlete, xhinse dhe me një kapele të zezë.
Kjo video është filmuar nga personat e pranishëm, por vetëm sot është bërë virale në rrjet. Kujtojmë që Bora nuk ka reaguar publikisht në lidhje me vrasjen e 7-vjeçares. Mesa duket moderatorja ka zgjedhur të veprojë duke qenë prezente.
Kujtojmë që në proteste qytetarët i vendosën afat kryeministrit që të largonte nga detyra Ministrin e Brendshëm, Bledi Çuçi, Ministren e Kulturës, Mirela Kumbaro dhe Drejtorin e Përgjithshëm të Policisë, Gledis Nano.
Discussion about this post