Drejtuesi teknik i subjektit për shfrytëzimin e mineralit të kromit, ku ditën e djeshme, humbën jetën dy punonjës, është arrestuar.
Policia bën me dije se në pranga ka rënë shtetasi A. R., 45 vjeç, banues në Bajram Curri. Ai akuzohet për veprën penale “Shkelja e rregullave të mbrojtjes në punë”.
Arrestimi i tij është bërë një ditë pasi, në fshatin Lajthizë, për shkak të mosmarrjes së masave për sigurimin teknik nga ana e tij, në galerinë minerare, kanë humbur jetën dy punëtorë, Adil Dautaj, 41 vjeç, banues në Tropojë dhe shtetasi Afrim Zhutaj, 40 vjeç, banues në Kepenek, Tropojë.
Materialet i kaluan Prokurorisë së Rrethit Gjyqësor Tropojë, për veprën të mëtejshme.
Discussion about this post