Detaje të reja kanë dalë nga vdekja e alektricisit në Memaliaj. Kolegu, i cili po punonte me të në ati momente ka dëshmuar me detaje ngjarjen. Ai ka thënë se Agroni ishte poshtë linjës së tensionit, ndërsa ai shkoi pak më tutje dhe vetëm pas disa minutash ka dëgjuar një shpërthim. Ai tregon se me nxitim shkoi te Argoni, por ishte shumë vonë e gjeti atë të shtrirë në tokë me një tel në dorë. Sipas tij ,e kishin dërguar menjëherë Agronin në spital, por nuk mundi t’u mbijetonte plagëve të marra.
“Kemi mbërritur poshtë linjës së tensionit dhe unë e kam lënë Agronin poshtë saj ndërsa vetë inspektova një tjetër linjë pak më larg, në një terren tepër të thyer. Pas disa minutash dëgjoj një shpërthim. Kthehem me shpejtësi dhe gjej Agronin të shtrirë në shesh me një tel në duar, i cili ishte takuar me linjën e tensionit me përbërje alumini. Menjëherë kam njoftuar policinë dhe ndihmën e shpejtë, të cilët kanë ardhur. Kemi transportuar në spital Agronin dhe më pas është çuar me helikopter në Spitalin e Traumës në Tiranë, për ndihmë të mëtejshme”, tha ai. Kujtojmë se pak minuta më parë në lidhje me këtë çështje është vënë në pranga Drejtuesi i punimeve të OST në Memaliaj.
Discussion about this post