Përmes një postimi në rrjetet sociale, imami i xhamisë Dine Hoxha në Tiranë, Ahmed Kalaja, nuk e ka fshehur mungesën e keqardhjes për ndarjen nga jeta të gazetarit Kastriot Myftaraj, i cili kishte mbajtur më herët gjatë daljeve të tij televizive qëndrime kundër fesë islame. Në postimin e tij, Kalaja thotë se do ti bëjë bllok kujtdo që lutet për ‘rahmet’ për Myftarajn. Hoxha lë të nënkuptohet se të njëjtin fat mund të ketë edhe gazetari tjetër, Mustafa Nano.
“Paralajmërim kam frikë se edhe “Lëpirsi” që merret me Kuranin do të ketë të njëjtin fat!”, shkruan Kalaja në postimin e tij në rrjetet sociale, ku janë lëshuar dhjetëra fyerje në drejtim të gazetarit.
“I mbeti ëndrra pa realizuar… Lajm i darkës së Arafatit quhet ky… Zotin e kam dëshmitar që e besoja se do jetë shembull për tallësit me fenë para tij. Ky ka bërë thirrje për gjenocid ndaj muslimanëve autoktonë shqiptarë, se duhet të arratisen ne Turqi a arabi?! Madje ligjëronte çdo lloj forme spastrimi ndaj tyre… Madje kishte kallëzuar Kuranin në prokurori… Nuk lejohet të shahet i vdekuri prandaj mbajeni veten se tregon mungesë niveli por mund të bëni dua alejhi! Ej se mos lutet ndonjëri për rahmet, apo na thotë ngushëllime se do pësojë, BLOCK! Paralajmërim kam frikë se edhe “Lëpirsi” që merret me Kuranin do të ketë të njëjtin fat!” – shkruan Kalaja në facebook.
Discussion about this post