Në seancën e sotme në Kuvend, Grida Duma e ka nisur fjalën e saj duke folur për vdekjen e të riut nga Kavaja, Ilvi Metës, i cili vari veten në ambientet e Komisariatit të Kavajës. Duma u shpreh se kjo ngjarje tronditi jo vetëm qytetin e Kavajës , por mbarë shoqërinë , duke shtuar se problem më i madh është se këtu po u rrëshqiti këmba të varfrit je i mbaruar.
Mirëpo sapo është ngjitur në podium Bledi Çuçi i është përgjigjur deputetes Duma.
“Nuk bëhet politikë dhe nuk abuzohet me viktimat dhe të bëjmë këtu prokurorin gjyqtarin apo policin,. Shpreh ngushëllimin tim për atë ngjarje fatkeqe. Është nga raste më të pastër sa u takon hetimit penal apo procedural. Jo vetëm kaq, por i kemi shkuar deri në fund së bashku me agjencinë përkatëse…Nuk ka asnjë aludim që të hedhë dyshime për ngjarjen as nga prokurori as nga hetuesit as nga mjekët ligjore, madje meqë përmende edhe Avokatin e Popullit, për rastësi kanë qenë edhe dy përfaqësues të Avokatit të Popullit dhe ju ftoj të lexoni raportin, ku thuhet se dhomat janë në përputhje me standardet ligjore”, ka thënë ndër të tjerash ai.
Çuçi i ka ftuar të gjithë deputetët të bëjnë hetim parlamentar nëse nuk binden pas hetimeve të gjykatës duke shprehur keqardhje që akuzohen rëndë strukturat e policisë së Kavajës sikur ata janë vrasës.
Discussion about this post