Policia në Tiranë ka shoqëruar 6 persona, në lidhje me vdekjen e kenianes Joy Aoko. Po ashtu, mësohet se janë kontrolluar edhe katër banesa. Mes të shoqërfuarve është edhe shoferi i kazinosë ku ka punuar e reja.
Kujtojmë se pas më shumë se 8 muajsh telefoni i shtetases keniane, Joy Ayoko është zbërthyer, duke ndihmuar hetuesit në zbardhjen e vrasjes së saj.
Bëhet me dije se janë përftuar biseda me interes, sidomos tek biseda e kenianes me shoferin e kazinosë ku ajo punonte, Rodi Braçin.
Pasi është dhunuar, mendohet se trupi i saj është marrë dhe është hedhur në pjesën e pasme të godinës ku ajo qëndronte, duke zbehur kështu versionin e një vetëvrasjeje të mundshme, apo dhe rënies nga dritarja për shkak të pakujdesisë.
Joy Ayoko u gjet në gjendje kome e për disa muaj ajo qëndroi në gjendje të rëndë në Spitalin e Traumës, por më pas u nis drejt vendit të lindjes ku edhe ndërroi jetë.
Discussion about this post