Është marrë në pyetje patrulla e policisë që shoqëroi të riun Lear Kurti në Komisariat, teksa ky i fundit ndërroi jetë pak orë më vonë. 32-vjeçari nuk i ishte përgjigjur thirrjes së policisë për të ndaluar e për ti kontrolluar dokumentet dhe ishte larguar me vrap. Pas ndjekjes, ai u ndalua në rrugën “Don Bosko” dhe u shoqërua për në Komisariatin Nr. 3.
Gjatë shoqërimit i riu është ndjerë keq dhe gjendja e tij shëndetësore është përkeqësuar papritur. Më pas ai është shoqëruar drejt spitalit të Traumës, ku edhe ka ndërruar jetë.
Nuk dihen ende shkaqet e vdekjes së 32-vjeçarit, ndërsa pritet ekspertiza për të dhënë një përgjigje përfundimtare. Megjithëse deri më tani shkau i vdekjes dyshohet të një atak kardiak.
Discussion about this post