Nis protesta para godinës së Ministrisë së Brendshme në Tiranë. Në tubim janë mbledhur qytetarët të cilët kërkojnë drejtësi për vdekjen e 32-vjeçarit Lear Kurti në komisiariatin nr.3.
Ata duan zbardhjen e së vërtetës si dhe dorëheqjen e ministrit të brendshëm Bledi Çuçi dhe Drejtorit të AMP Ardi Veliu.
Kjo është protesta e dytë që po zhvillohet pas vdekjes së të riut në komisariat, ngjarje kjo që pasoi me një sërë reagimesh politike e jo vetëm.
Tubimi i sotëm është mbështetur dhe nga kreu i PD-së Sali Berisha dhe eksponentë të tjerë të opozitës të cilët në rrjetet e tyre sociale bënë thirrje që të gjithë qytetarët të dalin bashkë kundër kësaj qeverisjeje që po u merr jetën të rinjve shqiptarë.
Rikujtojmë se edhe ditën e premte u protestua para Ministrisë së Brendshme për rreth një orë, protestë e cila nuk u shoqërua me dhunë.
Discussion about this post