Një protestë qytetare është mbajtur në qytetin e Lezhës këtë të enjte në lidhje me vdekjen e 32-vjeçarit Lear Kurti gjatë shoqërimit të tij në komisariat. Të rinjtë të shumtë në numër janë mbledhur përpara komisariatit të qytetit, ku kanë ndezur qirinj dhe kanë zhvilluar homazhe për vdekjen e të riut.
Në një prononcim për media, një prej të rinjve të pranishëm deklaroi se Lear Kurti u vra barbarisht nga policia. Ai i bëri thirrje të gjithë të rinjve që të protestojnë për këtë vrasje makabër. “Sot protestojmë për vrasjen e Learit, ne jemi mbledhur këtu për të bërë homazhe për vdekjen e atij që u vra barbarisht nga policia. Nga kjo polici e cila është një polici e krimit. Mund të ishte secili nga ne në vend të Learit. Po most ë ngrihemi ne rinia, kush do ngrihet. Po most ë ngrihemi tani, kur do ngrihemi. Duhet të ngrihemi të gjithë në këmbë të protestojmë për këtë vrasje makabër”, tha një prej të rinjve të pranishëm në protestë
Kujtojmë se Lear Kurti u arrestua në lagjen Don Bosko të kryeqytetit mbrëmjen e të mërkurës dhe shfaqi probleme shëndetësore gjatë shoqërimit në komisariat. Ai u transportua drejt spitali të Traumës, por mbërriti i vdekur aty.
Sipas ekspertizës mjeko-ligjore rezulton se i riu ka gëlltitur disa qese me lëndë narkotike gjatë kohës që po ndiqej nga efektivët dhe se ka ndërruar jetë nga mbidoza.
Discussion about this post