Mbretëresha e Mbretërisë së Bashkuar Elisabeth II ka ndërruar jetë në moshën 96-vjeçare. Lajmi është bërë i ditur nga familja mbrëtërore. Të gjithë fëmijët e mbretëreshës, princat William dhe Harry, kanë shkuar në kështjellë. Mbretëresha Elizabeth ndërroi jetë në Kalanë Balmoral në Skoci nga problemet me shëndetin.
Figura të njohura të politikës Shqiptare kanë reaguar për lajmin e hidhur që ka tronditur sot mbarë botën. Ka qenë ministra Olta Xhaçka që ka reaguar e para, duke u pasuar kështu nga kryeministri Edi Rama, kryetari i Partisë së Lirisë Ilir Meta, Presidenti i Republikës z.Bajram Begaj.
Mbreti i ri zyrtarisht do të njihet si Mbreti Charles III. Njoftimi është konfirmuar zyrtarisht nga familja mbretërore.
Jashtë Pallatit Buckingham janë mbledhur turma të mëdha me njerëz, të cilët vajtojnë vdekjes e Mbretëreshës 96-vjeçare. Njerëzit filluan të shkonin para pallatit që në momentin që u dha lajmi se gjendja e Mbretëreshës nuk është më e mirë, ndërsa pas lajmit të trishtë numrat janë shtuar.
Pas shiut të rrëmbyeshëm, një ylber u shfaq para Pallatit Buckingham, e ndërsa flamujt janë ulur në gjysmështizë.
Discussion about this post