Vdekja e muxhahedinit/ Flet mjeku në spitalin e kampit: Humbi jetën nga gazi lotsjellës

Njëri nga mjekët që punon në spitalin e kampit të MEK në Manëz ka thënë se viktima Ali Mostashari ka ndërruar jetë si pasojë e gazit lotsjellës.

Ai tha se gazi lotsjellës ka shkaktuar probleme me frymëmarrjen për një pjesë prej tyre ndërsa njëri prej tyre nuk ka mundur të mbijetojë.

“Policia shqiptare erdhi tek zona jonë e komunitetit Ashraf dhe përdorën gaz lotsjellës ndaj personave për t’i lënduar.”, ka thënë ai duke shtuar se ka përdorur shumë gaz lotsjellës në afërsi të personave, gjë që iu ka shkaktuar pamundësi në frymëmarrje. Ai flet për shumë persona të lënduar, të cilët mund të jenë rreth 150 persona.